پەردەی چل و شەشەم: مرۆڤی دووەم

KoG 46-ROCKintl.orgعیسا داوای له‌ یه‌حیا كرد له‌ ئاوی هه‌ڵبكێشێت. یه‌حیا سه‌ری له‌م داواكارییه‌ سوڕما، چونكه‌ مه‌سیحی پاشا كه‌ له‌ ئاسمانه‌وه‌ دابه‌زیوه‌ پێویستی به‌ تۆبه‌كردن نییه‌.
عیساش وه‌ڵامی دایه‌وه‌: «ئێستا ڕێگا بده‌، چونكه‌ ئاوا له‌ ئێمه‌ ده‌وه‌شێته‌وه‌ هه‌تا هه‌موو ڕاستودروستییه‌ك ته‌واو بكه‌ین.» (مه‌تا ٤: ١٥)
یه‌حیا عیسای له‌ ئاو هه‌ڵكێشا. به‌م كاره‌ عیسا ویستی پیشانی بدات سه‌ر به‌ خێزانی مرۆڤه‌ و هاتووه‌ بۆ ڕزگاركردنیان.
كاتێك عیسا له‌ ئاو هه‌ڵكێشرا، ده‌ستبه‌جێ له‌ ئاوه‌كه‌ هه‌ستایه‌وه‌. ئه‌وه‌ بوو ئاسمانی بۆ كرایه‌وه‌ و بینی ڕۆحی خودا وه‌ك كۆترێك نیشته‌وه‌ و هاته‌ سه‌ری. ده‌نگێكیش له‌ ئاسمانه‌وه‌ فه‌رمووی: «ئه‌مه‌ كوڕی خۆشه‌ویستمه‌، ئه‌وه‌ی زۆر پێی دڵشادم.» (مه‌تا ٤: ١٦-١٧)
له‌ یه‌كه‌م ڕۆژی به‌دیهێنانی گه‌ردوون، تاك و ته‌نهایی خودا له‌ سێ تایی «خودا و وشه‌ و ڕۆحی پیرۆزدا» ئاشكرا بوو. وه‌ك چۆن له‌ سه‌ره‌تای دروستبووندا، خودا و ڕۆحی خودا و وشه‌كه‌ی پێكه‌وه‌ جیهانیان به‌دیهێنا، ئێستاش هه‌رسێكیان پێكه‌وه‌ وه‌ك یه‌ك كه‌س كار ده‌كه‌ن بۆ ڕزگاركردنی جیهان17.
له‌ سه‌ره‌تای په‌یدابوون، ڕۆحی خودا به‌سه‌ر ئاوه‌كاندا ده‌هات و ده‌چوو، هه‌مان ڕۆح ئێستا دێته‌ سه‌ر عیسا له‌ كاتی له‌ئاوهه‌ڵكێشانی. ده‌بینین كوڕی خودا (وشه‌ی خودا كه‌ له‌ سه‌ره‌تاوه‌ گه‌ردوونی به‌دیهێنا) ئێستا له‌ناو ڕووباره‌كه‌وه‌ به‌پێ‌ دێته‌ ده‌ره‌وه‌. گوێمان له‌ ده‌نگی باوكه‌ له‌ ئاسمانه‌وه‌ قسه‌ ده‌كات.
به‌ درێژایی سی ساڵی ڕابردوو، عیسا له‌ قۆناغی ده‌رنه‌كه‌وتندا بوو، دوور بوو له‌ چاوی كۆمه‌ڵگه‌. به‌ڵام، باوكه‌ ڕۆحییه‌كه‌ی له‌ ئاسمان چاودێری هه‌موو كار و وشه‌ و بیركردنه‌وه‌كانی ده‌كرد. ئایا بۆچوونی خودا له‌سه‌ر ژیانی كوڕەكه‌ی چی بوو؟
خودا فه‌رمووی: (ئه‌وه‌ی پێی دڵشادم.)
به‌ درێژایی ژیانی مرۆڤایه‌تی، عیسا ته‌نها مرۆڤێك بووه‌ كه‌ هه‌موو داواكارییه‌كانی خودای جێبه‌جێ‌ كردووه‌. خودا له‌ هه‌موو شتێكی عیسا ڕازی بووه‌. هه‌میشه‌ لێی ڕازی بووه‌. عیسا هیچ كه‌موكوڕی و گوناهێكی نه‌بووه‌.
عیسا بووه‌ وێنه‌ی خودا، ئه‌و شته‌ی ئاده‌م تێیدا سه‌ركه‌وتوو نه‌بوو. عیسا ته‌نها وێنه‌ی خودا نه‌بوو به‌ڵكو خودا خۆی بوو.
«له‌ سه‌رده‌مانی كۆنه‌وه‌ خودا زۆر جار و به‌ ڕێگای جۆراوجۆر له‌ ڕێگه‌ی پێغه‌مبه‌رانه‌وه‌ له‌گه‌ڵ باوباپیراندا دواوه‌، به‌ڵام له‌م ڕۆژانه‌ی كۆتاییدا له‌ ڕێگه‌ی كوڕە‌كه‌یه‌وه‌ له‌گه‌ڵمان دوا، ئه‌وه‌ی ده‌ستنیشانی كردووه‌ وه‌ك میراتگری هه‌موو شتێك و له‌ ڕێگه‌ی ئه‌ویشه‌وه‌ گه‌ردوونی دروستكردووه‌. كوڕە‌كه‌ تیشكی شكۆی خودایه‌ و به‌ ته‌واوی وێنه‌ی كڕۆكیه‌تی، هه‌ڵگری هه‌موو شتێكه‌ به‌ هێزی فه‌رمایشتی خۆی،…» (عیبرانییه‌كان ١: ١-٤)
بۆیه‌ پاشان عیسا ده‌ڵێ‌:
«من و باوك یه‌كین.» (یۆحه‌نا ١٠: ٣٠)
عیسا كوڕە نموونه‌ییه‌كه‌ی خودایه‌.

raberduu (45)

پەردەی ڕابەردوو

dahatuu (47)

پەرەدەی داهاتوو

 بڕۆ سەرەتا